मराठी साहित्याचा डिजिटल खजिना.

श्री दत्तस्तवस्तोत्र Shri Dattastav Stotra

अनसूयात्रिसंभूत दत्तात्रेय महामते ।

सर्वदेवाधिदेवत्वं त्वं मम चित्तं स्थिरीकुरु ।।

शरणागतदीनार्थतारकाsखिलकारक ।

सर्वचालक देव त्वं मम चित्तं स्थिरीकुरु ।।

सर्वमंगलमांगल्य सर्वाधिव्याधिभेषज ।

सर्वसंकटहारिन् त्वं मम चित्तं स्थिरीकुरु ।।

स्मर्तुगामी स्वभक्तानां कामदो रिपुनाशनः ।

भुक्तिमुक्तिप्रदः स त्वं मम चित्तं स्थिरीकुरू ।।

सर्वपापक्षयकरस्तापदैन्यनिवारणः ।

योsभिष्टदः प्रभुः स त्वं मम चित्तं स्थिरीकुरु ।।

य एतत्प्रयतः श्लोकपंचकं प्रपठेत्सुधीः ।

स्थिरचितः स भगवत्कृपापात्रं भविष्यति ।।

।। इति श्री परमहंस परिव्राजकाचार्य श्री वासुदेवानंद सरस्वती विरचितं श्री दत्तात्रेय स्तोत्रं संपूर्णम् ।।

महत्वाचे संग्रह