मराठी साहित्याचा डिजिटल खजिना.
श्रीरामचंद्राची आरती
उत्कट साधुनि शिळा सेतू बांधोनी।
लिंगदेह लंकापुर विध्वंसूनी। कामक्रोधादिक राक्षस मर्दूनी ।
देह- अहंभाव रावण निवटोनी ।। १ ।।
जय देव जय देव जय निजबोधा रामा।
परमार्थे आरती, सद्भावें आरती परिपूर्णकामा ।। ध्रु० ।।
प्रथम सीताशुद्धी हनुमंत गेला।
लंका दहन करूनी अखया मारिला ।
मारिला जंबूमाळी भुवनी त्राहाटीला।
आनंदाची गूढी घेऊनियां आला ।। जय० ।। २ ।।
निजबळे निजशक्ती सोडविली सीता ।
म्हणुनी येणें झालें अयोध्ये रघुनाथा।
आनंदे वोसंडे वैराग्य भरता।
आरती घेउनि आली कौसल्या माता ।। जय० ।। ३ ।।
अनाहतध्वनी गर्जति अपार ।।
अठरा पझें वानर करिती भुभःकार।
अयोध्येसी आले दशरथकुमार।
नगरीं होत आहे आनंद थोर ।। जय० ।। ४ ।।
सहज सिंहासनी राजा रघुवीर।
सोहंभावें तया पूजा उपचार।
सहजांची आरती वाद्यांचा गजर ।
माधवदासा स्वामी आठव ना विसर।
जय देव जय देव जय निजबोधा रामा।
परमार्थे आरती सद्भावें ।। ५ ।।
महत्वाचे संग्रह
वॉलपेपर
