मराठी साहित्याचा डिजिटल खजिना.
श्रीकृष्णाची आरती
ओंवाळू आरती मदनगोपाळा ।
श्यामसुंदर गळां वैजयंतीमाळा ।। धृ० ।।
चरणकमल ज्याचे अति सुकुमार।
ध्वजवज्रांकुश ब्रीदांचे तोडर ।। १ ।।
नाभिकमलीं ज्याचे ब्रह्मयाचें स्थान ।
हृदयीं पदक शोभे श्रीवत्सलांच्छन ।। २ ।।
मुखकमल पाहतां सुखाचिया कोटी।
वेधले मानस हारपली दृष्टी ।। ३ ।।
जडित मुगुट ज्याचा देदीप्यमान ।
तेणें तेजें कोंदलें अवधें त्रिभुवन ।। ४ ।।
एका जनार्दनी देखियेलें रूप।
रूप पाहता जाहले झालें तद्रूप ।। ५ ।।
ओंवाळू आरती मदनगोपाळा ।।
श्यामसुंदर गळां वैजयंतीमाळा ।।
महत्वाचे संग्रह
वॉलपेपर
Loading...