जय जय श्रीशनिदेवा ।।

पद्मकर शिरीं ठेवा ।।

आरती ओंवाळीतों ।।

मनोभावें करूनी सेवा ।। धृ० ।।

सूर्यसुता शनिमूर्ती ।।

तुझी अगाध कीर्ती ।।

एकमुखे काय वर्णं ।।

शेषा न चले स्फूर्ती ।। जय० ।। १ ।।

नवग्रहांमाजी श्रेष्ठ ।।

पराक्रम थोर तुझा ।।

ज्यावरी कृपा करिसी ।।

होय रंकाचा राजा ।। जय० ।। २ ।।

विक्रमासारीखा हो ।।

शककर्ता पुण्यराशी ।।

गर्व धरितां शिक्षा केली ।।

बहु छळियेलें त्यासी ।। जय ० ।। ३ ।।

शंकराच्या वरदानें ।।

गर्व रावणें केला ।।

साडेसाती येतां त्यासी ।।

समूळ नाशासी नेला ।। जय० ।। ४ ।।

प्रत्यक्ष गुरुनाथा ।।

चमत्कार दावियेला ।।

नेउनी शूळापाशी ।।

पुन्हा सन्मान केला ।। जय० ।। ५ ।।

ऐसे गुण किती गाऊं ।।

धणी न पुरे गातां ।।

कृपा करीं दीनावरी ।।

महाराजा समर्था ।। जय० ।। ६ ।।

दोनी कर जोडोनियां ।।

रखमा लीन सदा पायीं ।।

प्रसाद हाचि मागे ।।

उदयकाळ सौख्य दावीं ।। जय० ।। ७ ।​